Fighting for Justice

Mae hon yn oes lle mae rheolaeth y gyfraith yn cael ei herio o ddifrif. Mae rhai llywodraethau’n bygwth torri’r gyfraith yn fwriadol, tra bo annibyniaeth cyfiawnder mewn perygl yn sgil pwysau di-baid gan y weithrediaeth a’r cyfryngau. Nod y gyfrol hon yw cyfrannu at adfer ymddiriedaeth mewn barnwyr fel ceidwaid y gyfraith a chyfiawnder, drwy gymhariaeth rhwng gwledydd Cyfraith Sifil a Chyffredin. Mae’n gyfle prin i gasglu arbenigedd barnwyr blaenllaw ac awdurdodau cyfreithiol o bum gwlad wahanol, ac yn cynnig cipolwg unigryw ar eu gwaith a’r ffordd y maent yn gweinyddu cyfiawnder yn seiliedig ar eu profiad proffesiynol penodol a’u hymarfer cyfreithiol. Fodd bynnag, mae’r llyfr ymhell o fod yn drafodaeth dechnegol rhwng arbenigwyr; mae’n hygyrch i fyfyrwyr a’r cyhoedd ac yn codi materion cyfreithiol cyfoes sy’n ymwneud â hwy fel dinasyddion, gyda chyfiawnder yn ddyhead cyffredin, ac ymlyniad cyffredin â rheolaeth y gyfraith.