Seeking God's Kingdom

Nodweddir y blynyddoedd rhwng 1906 a 1939 yn Ewrop gan bryder, a fyddai'n cael ei fynegi mewn termau gwleidyddol, economaidd, cymdeithasol a chrefyddol, am yr amodau cymdeithasol a oedd wedi deillio o fwy na chanrif o ddiwydiannu. Mae Seeking God’s Kingdom yn edrych ar waith pedwar prif hyrwyddwr meddwl cymdeithasol Anghydffurfiaeth Gymreig: David Miall Edwards, Thomas Rees, Herbert Morgan a John Morgan Jones. Mae'n archwilio'r ffyrdd y dylanwadwyd arnynt gan syniadau deallusol ac athronyddol Ewropeaidd, gan ddangos sut y cafodd crefydd ei hail-ddehongli ganddynt i hybu gwelliant cymdeithasol, ac mae'r llyfr yn asesu cryfderau a gwendidau eu hymagweddau. Roeddynt yn rhyddfrydwyr diwinyddol nodweddiadol yn hytrach nag efengylwyr cymdeithasol yn benodol, ond tanseiliwyd eu casgliadau tua diwedd y cyfnod gan newidiadau a datblygiadau yn syniadaeth grefyddol Ewropeaidd y dydd. Mae hon yn astudiaeth gynhwysfawr a hynod ddiddorol o ymgais diwinyddiaeth ryddfrydol i ddod i delerau â gofynion a heriau cymdeithas ddiwydiannol.