The Nations of Wales

Mae rhai delweddau syml ac ystrydebol o Gymru yn taro tant yn syth gyda’r cyhoedd, yng Nghymru ei hun a thu hwnt i’w ffiniau. Am ran helaeth o’r ugeinfed ganrif, roedd y wlad yn cael ei gweld fel ‘Y Cymoedd’, gwlad o lowyr a chorau a chlybiau rygbi. Cydiodd y ddelwedd hon o ‘Gymru Broletaraidd’ (gyda’r wleidyddiaeth Sosialaidd sy’n cyd-fynd â hynny) yn y dychymyg poblogaidd, yn union fel y gwnaeth y ddelwedd o’r ‘Gymru Ymneilltuol’ - sef Cymru o gapeli a chymdeithas ddiflas Biwritanaidd - gydio yn nychymyg yr oes uchel Fictoraidd. Ond beth am Gymru’r degawdau tua diwedd oes Fictoria a’r cyfnod Edwardaidd? Pa ddelwedd o Gymru oedd yn boblogaidd ar yr adeg honno o newid cymdeithasol, economaidd, diwylliannol, crefyddol a gwleidyddol chwyldroadol? Mae’r llyfr hwn yn dadlau bod nifer o ddelweddau o Gymreictod oedd yn cystadlu â’i gilydd wedi’u cyflwyno yn ystod y cyfnod hwnnw, ac mae’n mynd ati i archwilio nifer o’r rhai mwyaf dylanwadol wrth iddynt ddatblygu’n destunau llenyddol.