Y Llawes Goch a'r Faneg Wen

Mae’r llyfr mentrus hwn yn bwrw golwg ar nofelau a straeon byrion Cymraeg gan fenywod ers 1948. Yn benodol, mae’n canolbwyntio ar sut mae’r awduron hyn wedi son am eu profiadau mwyaf dwys a phersonol (yn bennaf beichiogrwydd a’r mislif), yn eu gwaith. Ceir trafodaeth eang a deallus sydd yn rhychwantu sawl cenhedlaeth o awduron, o Dyddgu Owen a Kate Bosse-Griffiths yn y pumdegau hyd at awduron cyfoes megis Bethan Gwanas a Caryl Lewis. Mae’r gyfrol yn gwau ynghyd dadlau, deunydd a theori mewn ffordd sy’n hollol ffres ac annisgwyl yn y cyd-destun Cymraeg ac mae ei newydd-deb yn drawiadol. Mae'r llyfr yn defnyddio dros 150 o nofelau ac ystod eang o ffynonellau cyfoes eraill gan gynnwys hysbysebion, delweddaeth, chwedloniaeth a ffynonellau electronig i lywio dadl ffres, ddeniadol ac ar adegau, heriol.