Body Matters

Yn draddodiadol mae’r ddinas wedi’i ffurfio fel man sy’n sylfaenol wrywaidd. Mae’r casgliad hwn o ysgrifau’n ceisio cwestiynu llawer o’r idées reçues ynghylch cyswllt parhaus menywod gyda’r preifat, y domestig a’r gwledig. Gan gwmpasu detholiad o ffilmiau, cyfnodolion a nofelau o gyfnod yr oesoedd canol yn Ffrainc hyd at y presennol Ffrengig-Algeriaidd, mae’n herio’r hollt traddodiadol ar sail rhywedd rhwng y cyhoeddus gwrywaidd a’r preifat benywaidd y mae cymaint o lenyddiaeth a diwylliant Ffrengig ac Ewropeaidd yn seiliedig arno. Ydy’r flâneur trefol yn ei hanfod yn ffenomen wrywaidd ynteu a oes modd i flâneuse wirioneddol fodoli fel asiant gweithredol, yn mynegi hyder a phleser menyw sy’n symud yn rhwydd yn yr amgylchedd trefol? Mae Women and the City in French Literature and Culture yn ceisio lleoli ble yn union mae menywod yn anelu - yn unigol ac yn gyfunol - yn eu perthynas â’r amgylchedd trefol; drwy wneud hynny mae’n cymylu’r canfyddiad binaristig confensiynol o fenywod a’r ddinas mewn ymgais i ailgyfeirio ymchwil mewn astudiaethau menywod yn y dyfodol at gyrchfannau trefol mwy diddorol a chynrychioliadol.