Body Matters

Mae Body Matters yn ymdrin â’r byd materol yn uniongyrchol; mae’n ceisio atgoffa pobl mai nhw yw deunydd eu cyrff. Yn y gyfrol hon ceir cyfraniadau amrywiol o feysydd anthropoleg, archaeoleg ac astudiaethau canoloesol, gydag astudiaethau achos o ogledd Ewrop, y Dwyrain Agos, Dwyrain Affrica ac Amazonia, sydd yn eu tro’n tynnu sylw at y deunyddiau niferus symudol sy’n cyfansoddi, yn effeithio ar, ac yn cyd-greu cyrff dynol. Mae’r casgliad bywiog hwn yn amlygu dylanwadau materol niferus sy’n rhyngweithio ac yn siapio’r corff dynol; daw’r penodau at ei gilydd i ddangos natur gnawdol, esgyrnog, grawnol, ddiferol a llysnafeddog bodolaeth gorfforol sylfaenol y ddynoliaeth. Yn y pen draw, drwy atgoffa’r darllenydd o’i natur faterol ddiamheuol, mae Body Matters yn ceisio tynnu pobl a gweddill y byd materol at ei gilydd i ddangos bod cyrff nid yn unig yn treiddio i’r dirwedd, ac yn rhan ohoni, ond hefyd fod pobl a’r byd materol yn cyd-gynnwys ei gilydd mewn modd annatod.