Horror and Religion

Casgliad o ysgrifau wedi’u golygu yw Horror and Religion sy’n cynnig trafodaethau strwythuredig am achosion o wrthdaro ysbrydol a diwinyddol ym maes arswyd o ddiwedd yr unfed ganrif ar bymtheg hyd at yr unfed ganrif ar hugain. Mae’r cyfranwyr yn archwilio’r amrywiol ffyrdd y mae arswyd a chrefydd wedi rhyngweithio dros themâu hil a rhywioldeb; mae’r testunau dan sylw’n cofnodi’r ffordd y mae’r dychymyg crefyddol wedi’i ddefnyddio ar hyd datblygiad arswyd, o fodd Gothig wedi’i seilio mewn dadleuaeth ddiwinyddol i genre mwy penodol yn yr unfed ganrif ar hugain sy’n edrych ar fywyd ar ôl crefydd. Mae Horror and Religion yn canolbwyntio ar genre Arswyd a’i nodweddion sy’n ymwneud â’r corff, rhywioldeb, trawma a hil, ac mae’r ysgrifau’n trafod y ffordd y mae arswyd wedi symud y pwyslais o wrth-Gatholigiaeth a gwrth-semitiaeth i gynnwys materion hanesyddol a diwinyddol nad oes cystal dealltwriaeth ohonynt, fel ‘marwolaeth Duw’ a dadsefydlogi ysbrydol y seciwlar. Drwy wynebu achosion o wrthdaro ysbrydol mewn Arswyd, mae’r gyfrol hon yn cynnig safbwyntiau newydd ar yr hyn rydym ni’n draddodiadol yn ystyried ei fod yn arswydus.