Industrial Gothic

Mae’r astudiaeth hon yn ffurfio maes astudio newydd, y ‘Gothig diwydiannol’, sy’n gosod llenyddiaeth y Chwyldro Diwydiannol mewn trafodaeth gyda’r Gothig. Mae’n archwilio is-set sylweddol o lenyddiaeth drawsiwerydd y bedwaredd ganrif ar bymtheg sy’n defnyddio troellau, themâu a rhethreg y Gothig i ddarlunio erchyllterau gwirioneddol bywyd yn y ffatri, gan fframio’r Chwyldro Diwydiannol fel lleoliad gormodedd ac arswyd Gothig. Gan ddefnyddio deunyddiau archifol o’r bedwaredd ganrif ar bymtheg, caiff achosion lleol o ddiwydiannu Gothig (mewn dinasoedd penodol fel Lowell a Manceinion) eu hystyried ochr yn ochr â chysylltiadau a chymariaethau trawsgenedlaethol. Dadleua’r gyfrol fod straeon am erchyllterau gwirioneddol bywyd y ffatri yn aml yn defnyddio dull y Gothig, tra bo ysgrifennu Gothig yn y bedwaredd ganrif ar bymtheg (straeon, nofelau, cerddi ac addasiadau llwyfan) yn dechrau defnyddio lleoliadau newydd - ffatrïoedd, melinau a dinasoedd diwydiannol - fel cefnlenni ar gyfer yr erchyllterau a fyddai ar un adeg yn digwydd mewn cestyll Gothig.