Pacifism, Peace and Modern Welsh Writing

Yn y gyfrol hon ceir cyflwyniad i gyfraniad llenyddiaeth Gymraeg fodern i’n dealltwriaeth o heddwch a heddychiaeth - pwnc pwysig nad yw wedi cael fawr o sylw mewn astudiaethau Cymreig. Gan fabwysiadu agwedd lenyddol-hanesyddol at y pwnc, mae’n datgelu sut mae ysgrifennu Cymraeg modern yn agor hanes mewn ffyrdd y mae disgwrs hanesyddol ar ei ben ei hun ambell waith yn methu â gwneud. Mae’n dadlau bod cysyniadau heddwch, tangnefedd a heddychiaeth wedi chwarae rôl ehangach a mwy cymhleth ym mywyd Cymru nag y cydnabuwyd, yn bennaf drwy heddychwyr o ddeallusion dylanwadol Cymraeg eu hiaith. Mae’r awdur yn ein hatgoffa bod heddychiaeth Cymru’n wahanol i heddychiaeth Lloegr oherwydd y Gymraeg ei hun, ei chysylltiadau â chenedlaetholdeb Cymreig a’r ffaith ei bod yn wynebu heriau a phwysau na wynebwyd erioed mohonynt gan heddychiaeth yn Lloegr.