Wales, the Welsh and the Making of America

Yn 1971, dywedodd y cyngreswr o Califfornia Thomas M. Rees wrth Dŷ’r Cynrychiolwyr yn yr UD mai ‘ychydig iawn sydd wedi’i ysgrifennu am yr hyn mae’r Cymry wedi’i gyfrannu ym mhob maes at siapio hanes America’. Y gyfrol hon yw’r ymdrech systematig gyntaf i adrodd a gwerthuso’r cyfraniad sylweddol, nad yw wedi’i gydnabod yn ddigonol, a wnaed gan fewnfudwyr o Gymru a’u disgynyddion uniongyrchol at ddatblygiad yr Unol Daleithiau. Adroddir hanes eu bywydau a’u cyflawniadau mewn amlinelliad naratif o hanes America sy’n pwysleisio’r dylanwad Cymreig ar y modd y gwrthododd y drefedigaeth reolaeth Brydeinig, ac ar sefydlu, ehangu a diwydiannu’r genedl Americanaidd newydd. Mae’r gyfrol yn trafod y bobl enwog a distadl a fu’n gweithio ac yn ymladd i sicrhau gwell llewyrch a rhyddid iddynt eu hunain ac i’w cenedl.